பரந்து விரிந்த வானில்
பல சோகம் உனக்காக
பாரினிலே வந்தாலும்
பாசமாக உன்னை
பாதி உயிர் போகையிலும்
பக்கத்திருந்து பார்த்து
பரிவாய் அரவணைப்பவள்
பாசமான தாய் என்ற
பரிசுத்த உறவு மட்டுமே!
பெற்றவளிற்கு அப்புறமாய்
நீ பேதலித்து நிற்கையிலே
தோளோடு தோள் கொடுத்து
தொலைந்த துன்பங்களுக்கும்
தோற்று நிற்கும் வேளைக்கும்
தயங்காமல் வந்து நின்று
தன் துணை நல்கிடுவார்
உன் உற்ற உறவென்ற
உண்மையான நட்புக்கள்!
படித்ததன் பலன் அறிய
இறுதித் தேர்விற்காய்
விண்ணப்பித்து காத்திருக்கிறேன்
அனுமதி அட்டையும்
தேர்வுப் பத்திரமும் என்
கைகளில் கிடைத்ததும்
எனக்கு தெரியும்
நான் பரீட்சையில்
வென்று விட்டேனா
அல்லது
நிரந்தரமாய் என்றுமே
அன்பே
இத்தனை நாட்களாய் உன்
ஸ்பரிசங்களை தீண்டிட
எத்தனை ஏக்கங்கள்
என் மனமென்ற கூட்டுக்குள்
என் ஏக்கமான பசிக்கு
இதமாக தீனி போட
ஒட்டு மொத்தமாய் இன்று
உன் ஸ்பரிசங்கள் சங்கமம்
என் உடலில் மெலிதான
சிலிர்ப்புக்கள் எத்தனை தான்
இது என் வாழ்வின்
எதிர்பாரா இன்ப அதிர்ச்சி
இப்படி புலம்பியது
என் வீட்டு சாய்மனை இருக்கை
அருகிருந்தும் உன்னை
அன்போடு மடியேந்த
முடிந்திடாமல் நான் பட்ட
முடிவில்லா துன்பத்தை
புரிந்துகொள்ள உன்னாலே
முடியாமல் போனதால்
என் உணர்வுகளை உள்ளுக்குள்
ஊமையாக புதைத்து விட்டேன்
என் ஏக்கத்திற்கு மருந்தாக
இன்று என் மடியிலே தவழும் உன்
பொன் மேனி தொட்டுவிட்ட
இதமான மகிழ்வில் நான்
இப்படி என்னை பார்த்து
ஏளனம்செய்தது
என் வீட்டு இருக்கைகள்
இத்தனை நாட்களாய்
என்னை தாங்கி இருந்துவிட்ட
உன் மடி என்ற இருக்கையும்
மாரபென்ற சார்மனையும்
என்னை விட்டு இன்று
தொலை தூரம்சென்றமையால்
என் வீட்டு பொருட்களெல்லாம்
என்னிடம் சீண்டுகிறது
தாம் நெடு நாட்களாக
தேக்கிவைத்த ஆசைகள்
இதமாக தீர்ப்பதற்கு
