சிறிதாய் ஓர் சந்தேகம்

சின்னஞ்சிறு வயது முதல்

சினேகமாய் கைகோர்த்து

சிறுகதைகள் பேசி

செல்லமாக சீண்டிய

என் இனிய நட்புறவே

இன்று எங்கு சென்றது

உன் சினேகமும்

இத்தனை நாள் புரிந்துணர்வும்?

நண்பனில் தவறு கண்டால்

நல்லுரை கூறித் தீர்க்கலாம்

ஆனால்

நட்பிலே தவறு கண்டால்

எவ்வுரை கூறித் தீர்ப்பது?

இன்பமோ துன்பமோ

அருகிருந்து அரவணைத்து

ஆறுதல் சொல்பவனே

உண்மை நட்பென்று

இத்தனை நாள்

அர்த்தம் கொண்டேன்

இன்று தான் புரிந்தது

நட்பாலும் பல

காயங்கள் கொடுத்து

ரணமாக்க முடியும் என்று

கூட பழகியவளையே

புரிந்து கொள்ளாத

நீயும் என் நட்பா?

சிறிதாய் ஓர் சந்தேகம்

முளைவிட்டது என் மனதில்!